დახმარება

პროდუქციის შეკეთების, გადაცვლის და დაბრუნების პოლიტიკა

პროდუქციის  შეკეთების, გადაცვლის და დაბრუნების პოლიტიკა

 

 

 

ძვირფასო მომხმარებელო, კომპანიის ვებ-გვერდის გამოყენებისას ივარაუდება, რომ თქვენს მიერ წაკითხული, გაგებული და მიღებულია  პროდუქციის შეკეთების/გადაცვლის/დაბრუნების   წინამდებარე წესები და პირობები. წინამდებარე წესები და პირობები წარმოადგენს თქვენსა და კომპანიას შორის დადებულ სავალდებულო ძალის მქონე შეთანხმებას.

ტერმინთა განმარტება

კომპანია - შპს ,,ომეგა“ /სავაჭრო ნიშნით ,,მეგატექნიკა“/; რეგისტრირებული საქართველოს კანონმდებლობის შესაბამისად, საიდენტიფიკაციო კოდი: 211334830. ფაქტობრივი  (ადმინისტრაციული  ოფისის) მისამართი: თბილისი, წერეთლის #140; იურიდიული მისამართი: თბილისი, გამსახურდიას #11; ელ.ფოსტა: info@megatechica.ge; tel. 2 350515.

კომპანიის სავაჭრო ობიექტების (მაღაზიების) მისამართები:

დიდუბე, წერეთლის გამზ. #140

საბურთალო, ა.ყაზბეგის გამზ. 70ა

ვარკეთილი, "ისთ ფოინთი", ა. თვალჭრელიძის 2

ჩუღურეთი, ვაგზლის მოედანი 2, "თბილისი ცენტრალი"

გლდანი, ო. ხიზანიშვილის 1

საბურთალო, "სითი მოლი" ვაჟა-ფშაველას N70

ჟ. შარტავას ქ. 4

შ. რუსთაველის ქ. 99

 ი.ჭავჭავაძის ქ. 42

 ზ.გორგილაძის 91

 ჭავჭავაძის 76

 

ვებ-გვერდი - კომპანიის ვებ-გვერდი - megatechnica.ge, რომლის მეშვეობითაც ხდება მომხმარებელთა მომსახურება;

პროდუქცია - კომპანიის სავაჭრო ქსელში არსებული პროდუქცია;

პროდუქციის შეძენა - პროდუქციის ონლაინ შეძენა;

მომხმარებელი - ფიზიკური ან იურიდიული პირი, რომელიც ვებგვერდზე რეგისტრაციის გზით ეთანხმება წინამდებარე წესებსა და პირობებს ან/და აწარმოებს კომუნიკაციას კომპანიასთან პროდუქციის შეძენის მიზნით;

ხელშეკრულება - მომხმარებლებსა და კომპანიას შორის გაფორმებული ხელშეკრულება, რომელიც მოიცავს პროდუქციის შეკეთების/გადაცვლის/დაბრუნების  წინამდებარე წესებსა და პირობებს (მის დანართებ) ონლაინ შეძენის პირობებს, ონლაინ განვადების პირობებს, მიწოდების პირობებს, საგარანტიო მომსახურების პირობებს, TAX  FREE სერვისით სარგებლობის პირობებს, კონფიდენციალობის პოლიტიკას და და მისი ვადა განისაზღვრება ნივთის საგარანტიო ტალონით განსაზღვრული ვადით.

 

ძირითადი დებულებები

 

პროდუქციის შეცვლა/დაბრუნებასთან დაკავშირებული კომუნიკაცია კომპანიასა და მომხმარებელს შორის წარმოებს ელექტრონულ ფოსტაზე შეტყობინების გაგზავნის გზით sales@megatechnica.ge 

 

ხელშეკრულებაზე უარის თქმა

ნივთის მფლობელობაში მიღებიდან 14 კალენდარული დღის განმავლობაში მომხმარებელს უფლება აქვს უარი თქვას ხელშეკრულებაზე კომპანიისთვის შეტყობინების გაგზავნის გზით, რომელიც გულისხობს ,,ხელშეკრულებაზე უარის თქმის შესახებ განაცხადის’’ (იხ. ,,დანართი 1’’) შევსებასა და ელექტრონულად გადაგზავნას კომპანიის ელ.ფოსტის მისამართზე შემდეგი 7 კალენდარული დღის განმავლობაში და   საკუთარი ხარჯით დაუბრუნოს  კომპანიას შეძენილი ნივთი შემდეგი პირობების გათვალისწინებით: თუ ნივთის ფასი შემცირდა სარგებლობის შედეგად, რომელიც დაკავშირებული არ არის მისი ბუნების, მახასიათებლებისა და ფუნქციონირების დადგენასთან, მომხმარებელი ვალდებულია გადაიხადოს  ნივთის ფასის შემცირების შედეგად წარმოშობილი სხვაობა, რაც შეადგენს ნივთის თვითღირებულებასა და სარეალიზაციო ღირებულებას შორის სხვაობას. შესაბამისად, კომპანია იტოვებს უფლებას მომხმარებელს დაუბრუნოს ნივთის ნასყიდობის თანხა ხსენებული სხვაობის გამოკლებით.

 

თუ ნივთის კომერციული სახე უცვლელია კომპანია ნივთს დაიბრუნებს  და სრულად გადაუხდის მომხმარებელს მის მიერ დაბრუნებულ ნივთში  გადახდილ თანხას.

 

მომხმარებლის ხელშეკრულებაზე ურის თქმის უფლება (ნივთის დაბრუნების უფლება) არ გავრცელდება შემდეგ შემთხვევებში:

ნივთის ფასი დამოკიდებულია ხელშეკრულებაზე უარის თქმის უფლების ვადაში ფინანსურ ბაზარზე  კომპანიის კონტროლს მიღმა არსებული ცვლილებებით;

მიწოდების შემდეგ დაირღვა მიწოდებული ნივთის ჰერმეტულობა და მისი დაბრუნება შეუძლებელია ჯანმრთელობის ან/და ჰიგიენური ნორმების დაცვის გამო;

მიწოდებისას მიწოდებული ნივთი განუყოფლად შეერწყა სხვა ნივთს;

მიწოდების შემდეგ ნივთის გარეგნული სახე შეცვლილია/დაზიანებულია;

 

მომხმარებლის მიერ ნივთის წინამდებარე პირობების გათვალისწინებით დაბრუნებისას, კომპანია  გადაუხდის თანხას მომხმარებელს ხელშეკრულებაზე უარის თქმის შეტყობინების მიღებიდან 14 კალენდარული დღის ვადაში.

 

 

ნივთის ქარხნული წუნი

ნივთის ნაკლის (ქარხნული წუნი) თაობაზე მომხმარებელმა პრეტენზია უნდა განაცხადოს საგარანტიო ვადაში იმ  სერვისცენტრების გათვალისწინებით, რაც მითითებულია შეძენილი ნივთის საგარანტიო ტალონში. საგარანტიო ვადა შეადგენს 2 წელს, აითვლება ნივთის მომხარებლისთვის გადაცემიდან დღიდან და მოქმედებს საქართველოს მთელს ტერიტორიაზე.

 

ნივთის შეკეთება/გადაცვლა/ფასის შემცირება ან დაბრუნება

ნივთის ბუნების, გაბარიტების და ნივთთან დაკავშირებული მომხმარებლის მიერ გაცხადებული პრობლემის არსის გათვალისწინებით, სერვისცენტრთან კომუნიკაციისას მომხმარებლისთვის შეთავაზებულ იქნება მისივე ხარჯით ნივთის მიტანა შესაბამის სერვისცენტრში ან მისივე ხარჯით სერვისცენტრის სპეციალისტის გამოძახება ნივთის ადგილზე შესამოწმებლად. სერვისცენტრების მისამართები და საკონტაქტო ტელეფონებია:

 

N

ბრენდი

მომსახურე სერვის ცენტრი

საგარანტიო ვადა

მისამართი

1

Hisense,Simfer, Daewoo, Shaublorenz, Hansa, Elikor, Motorfan, Dixi, Philips, Scarlett, Adler, Mesko, Camry, Gerlach, Braun Beauty, Sven

მეგასერვისი

2 წელი

წერეთლის გამზ.140 . 2 35 05 15

2

Samsung, Whirpool, Indesit, Zanussi, Electrolux, Moulinex, Tefal, Rowenta

 ტექნო სერვისი

2 წელი

ვაჟა–ფშაველას გამზ. 30 ა 2312000

3

Panasonic

ექსპრეს სერვისი

3 წელი

წერეთლის გამზ. 69  235 75 00

4

BRAUN, Kenwood, Delonghi, Hitachi

ელიტ სერვისი / დომ კოფე

2 წელი

ზ. ფალიაშვილის 66 / 577135055

5

ILITEK / Sollex

 ილიტეკის სერვისი

2 წელი

წერეთლის გამზ. 57 2348417

6

ACER; HP

UGT

2 წელი

ი. ჭავჭავაძის გამზ 17-ე  322220505

7

HP

ევო სერვისი

2 წელი

ვაჟა–ფშაველას გამზ 6   322375461

8

ASUS; Lenovo; Dell, TCL, Infinix

ტექპოინტი

2 წელი

ცინცაძის ქ. 5     322422215

9

APPLE; Logitech

iSupport

2 წელი

ცინცაძის ქ. 12   032 230 10 01

10

Marshall; Urban; Letscome,Accesstyle, OnePlus

ტექნოლაინი

2 წელი

ცინცაძის ქ. 26   032 230 40 80

11

Choetech

პისირუმი

2 წელი

მირიან მეფის 20; 596885585

12

Toyota

სერვის ცენტრი

2 წელი

პეკინის 2 ტელ:032 2 36 53 32

 

 

აღნიშნული წესიდან გამონაკლისს წარმოადგენს  თბილისში,  რუსთავში, ქუთაისსა და  ბათუმში ნივთის ადგილზე შესამოწმებლად  სერვისცენტრის სპეციალისტის ვიზიტი, ისევე როგორც ნივთის მიტანა  შესამოწმებლად შესაბამის სერვისცენტრში, რომელიც უფასოა. თუმცა იმ შემთხვევვაში, თუ სპეციალისტის დასკვნის საფუძველზე ნივთს ქახნული წუნი არ გააჩნია, მომხმარებელი ვალდებულია გადაიხადოს სპეციალისტის ვიზიტის (მომსახურების) და ნივთის შესამოწმებლად  შესაბამის სერვისცენტრში მისი მიტანის კომპანიის მიერ გაღებული ხარჯი, ხსენებული დასკვნის გაცემიდან 7(შვიდი) დღის ვადაში. 

- დიდი გაბარიტების მქონე ნივთების /მაცივარი, სარეცხი მანქანა, გაზის ჩასაშენებელი ზედაპირი, გაზის ჩასაშენებელი ღუმელი, გაზის გამათბობელი, კონდიციონერი, ჭურჭლის სარეცხი მანქანა/ ქარხნულ წუნზე მომხმარებლის პრეტენზიის შემთხვევაში სპეციალისტის მიერ განხორციელდება ნივთის ადგილზე შემოწმება.

- თუ ნივთის შემოწმებისას აღმოჩნდა, რომ ნივთს წარხნული წუნი არ გააჩნია ან/და იგი არ ექვემდებარება საგარანტიო მომსახურებას, კომპანიას არ ეკისრება არანაირი ხარჯი (მათ შორის ტრანსპორტირების) და ყველა დამატებით ხარჯს (ტრანსპორტირების და სხვა) გადაიხდის მომხმარებელი.  იგივე წესი მოქმედებს   სერვისცენტრის სპეციალისტის ნივთის ადგილმდებარეობის მისამართზე გამოძახების შემთხვევაშიც.

- მომხმარებელის მიერ ნივთის სერვისცენტრში ტრანსპორტირებისთვის შერჩეულ უნდა იქნას ტრანსპორტირების ადეკვატური (გადაზიდვის ბაზარზე არებული ფასების გათვალისწინებით) ტარიფის მქონე გადაზიდვის კომპანია ან ფიზიკური პირი.

- ნივთის ადგილზე შესამოწმებლად სერვისცენტრის სპეციალისტის ვიზიტი განხორციელდება მისი გამოძახებიდან 7 (შვიდი) სამუშაო დღის ვადაში და მისი მომსახურების საფასური შეადგენს მინიმუმ 30 (ოცდაათი) და მაქსიმუმ 50 (ორმოცდაათი) ლარს.

- საგარანტიო პერიოდის განმავლობაში ნებისმიერი ქარხნული დეფექტის შეკეთება და საგარანტიო მომსახურება უფასოა, რაც მოიცავს მომსახურების, შეკეთებისა და სათადარიგო ნაწილის ღირებულებას.

- ნივთის მწარმოებლის მიერ დადგენილი წესების თანახმად, შეკეთების/სარემონტო ვადა განისაზღვრება  შესაკეთებელი ნივთის ავტორიზებულ სერვისცენტრში წარდგენიდან 45 (ორმოცდახუთი) სამუშაო დღით.

- იმ შემთხვევაში თუ, ნივთის შეკეთება მისი ბუნებიდან გამომდინარე შეუძლებელია ან არათანაზომიერ ან შეუსაბამოდ დიდ ხარჯს მოითხოვს, იგი  ავტორიზებულ სერვისცენტრის სპეციალისტის შესაბამისი დასკვნის საფუძველზე, რომლის შედგენის ვადაც არის 5 (ხუთი) სამუშაო დღე, ხსენებული დასკვნის გაცემიდან 5 (ხუთი) კალენდარული დღის განმავლობაში ჩანაცვლდება ახალი ნივთით.

- ნივთის შეცვლა ხდება იგივე ან მეტი (მომხმარებლის მიერ ფასის სხვაობის  დაფარვით) ღირებულების, შეცვლის მომენტში გაყიდვაში არსებული იმავე ნივთით და თუ იმავე ნივთით შეცვლა შეუძლებელია მისი მარაგის ამოწურვის გამო,  იგივე ან მეტი (მომხმარებლის მიერ ფასის სხვაობის  დაფარვით) ღირებულების სხვა ნივთით.

- შეცვლისას ნივთის ღირებულება განისაზღვრება მისი შეძენისას არსებული ღირებულებით. ნივთის შეცვლისას, როცა ამოწურულია შესაცვლელი ნივთის მარაგი, ღირებულება განისაზღვრება შეძენისას გადახდილ და გასაცვლელი ნივთის ფასებიდან უმცირესით.

- ნივთის გადაცვლა დაშვებულია მხოლოდ მისი კომპლექტაციით და აუცილებელია მისი აქსესუარებისა და ყუთის დაუზიანებლად  შენახვა და კომპანიისთვის  საგარანტიო პერიოდის განმავლობაში წარდგენა.

მომხმარებელი  უფლებამოსილია მოითხოვოს ქარხნული წუნის მქონე ნივთის ფასის შემცირება ან დააბრუნოს შეძენილი ნივთი ერთ-ერთი შემდეგი პირობის არსებობისას:

- შეძენილი ნივთის ბუნებიდან გამომდინარე მისი შეკეთება და შეცვლა შეუძლებელია ან არათანაზომიერ ან შუსაბამოდ დიდ ხარჯს მოითხოვს;

- თუ ვერ იქნა უზრუნველყოფილი ნივთის შეკეთება ან შეცვლა მომხმარებლის მიერ შესაბამის სერვისცენტრში მიტანიდან 45 (ორმოცდახუთი)  სამუშაო დღის ვადაში;

- იმ შემთხვევაში, თუ ნივთის ქარხნული წუნზე პრეტენზია გაცხადდა ნივთის შეძენიდან 5  დღის განმავლობაში, რომელიც შემდგომში დადასტურდა შესაბამისი სერვისცენტრის სპეციალისტის დასკვნის საფუძველზე, კომპანია მომხარებელს შეუცვლის ნივთს ახალი ნივთით ან დაუბრუნებს მომხმარებელს გადახდილ თანხას წუნდებული ნივთის დაბრუნების სანაცვლოდ.

 

საგარანტიო ვალდებულება არ შესრულდება ერთ-ერთ შემდეგ შემთხვევაში:  

- საგარანტიო ტალონი არ არის წარმოდგენილი/დაკარგულია;

- საგარანტიო ტალონზე კომპანიის სავაჭრო ობიექტის (მაღაზიის) ბეჭდის უქონლობისას;

- თუ საგარანტიო ტალონზე  სერიული ნომერი გადასწორებულია;

- საგარანტიო ტალონში ან ნივთის კორპუსზე არ იკითხება ამ ამძვრალია სერიული ნომერი/იმეი კოდი;

- თუ საგარანტიო ტალონში მონაცემები შეცვლილია, წაშლილია ან გადაკეთებულია;

- ნივთის (ციფრული ტექნიკა) ყუთი დაკარგულია ან დაზიანებულია;

- დაზიანებული ან ამძვრალია პლომბი ან ლუქი;

- თუ საგარანტიო ვადა ამოწურულია;

საგარანტიო მომსახურებას არ ექვემდებარება:

  • ნებისმიერი ვიზუალური დეფექტი ან მექანიკური დაზიანება;
  • არასწორი ექსპლუატაციისა და შენახვის წესების დარღვევის გამო დაზიანება;
  • დაზიანება გამოწვეულია ელ.ქსელის გაუმართაობით (ძაბვის ცვლილება, მაღალი ძაბვა), მექანიზმის დანესტიანებით, კოროზიით, შეუსაბამოდ მაღალი ან დაბალი ტემპერატურის ზემოქმედებით.
  • ნივთი დაშლილია (გახსნილია) თვითნებური შეკეთების შედეგად;
  • დაზიანება გამოწეულია არაკომპეტენტური პირის მიერ (სერვისცენტრის ოსტატის გარეშე) განხორცილებული სარემონტო ან/და სამონტაჟო სამუშაოების არაკვალიფიციური შესრულებით;
  • დეფექტები გამოწვეული ნივთის კონსტრუქციაში თვითნებური ცვლილებების შეტანის შედეგად;
  • ნივთი დაზიანდა კომერციული დანიშნულებით გამოყენებისას;
  • ნივთი დაზიანდა მისი დანიშნულების შეუსაბამო მიზნით (არასაყოფაცხოვრებო) გამოყენების გამო;
  • ნივთი (კომპიუტერის/ლეპტოპის შემთხვევაში) დაზიანდა კომპიუტერული ვირუსის ან შეუსაბამო ფაილის მიერ;

გარანტია არ ვრცელდება ელექტროაქსესუარებზე (მათ შორის):

  • შტეფსელის გადამყვანი;
  • დისტანციური პულტები (ყველა სახის ნაკეთობაზე);
  • ანტენები, კაბელები, (ტელევიზორები, მუსიკალური ცენტრები);
  • ფილტრები, შლანგები, ნაჭრის ტომრები (კონდიციონერის, სარეცხი მანქანის, მტვერსასრუტის);
  • პროგრამული უზრუნველყოფა;
  • სისტემური ბლოკის კვების ბლოკი;
  • ელექტრონივთისს ელემენტი;
  • მეხსიერების ბარათი;
  • გადამყვანი;
  • სამუხტი მოწყობილობა;
  • ტელეფონის ეკრანის დამცავი;
  • ტელეფონის ქეისი;
  • ლეპტოპის ჩანთები;

 

მომხმარებელთა საყურადღებოდ!

- მომხარებლიეს მიერ გათვალისწინებულ უნდა იქნას, რომ  ნივთის  გადმოცემასთან ერთად მათზე გადადის მისი შემთხვევით დაღუპვის (განადგურების),  გაფუჭების ან დაზიანების რისკი იმ შემთხვევაშიც თუ, მას მომხმარებლის დავალებით გადამზიდავი აგზავნის. ხსენებული რისკები მომხმარებელზე გადავა  ნივთის გადამზიდავისთვის მიწოდების მომენტიდან.

- მომხმარებელმა უნდა დაიცვას ნივთის მწარმოებლის მიერ შემუშავებული ექსპლუატაციის წესები თანდართული ინსტრუქციის შესაბამისად.

- რეკომენდირებული არ არის ნივთის წყალში/სითხეში მოთავსება. ნივთის მწარმოებელი კომპანიის მოთხოვნების ზედმიწევნით დაცვის შემთხვევაში თავიდან იქნება აცილებული მასში წყლის/სითხის მოხვედრას. წყლის/სითხის ნივთში მოხვედრის შემთხვევაში კომპანიას საგარანტიო ვალდებულებები არ გააჩნია.

- ნებისმიერი ტიპის ბუნებრივ აირზე მომუშავე მოწყობილობის დამონტაჟების შემდეგ, გამოიძახეთ  გაზის მომწოდებელი კომპანიის შესაბამისი სამსახურის სპეციალისტი და დარწმუნდით, რომ სიცოცხლეს და ჯანმრთელობას საფრთხე არ ემუქრება.

- რეკომენდირებულია ყველა ტიპის ელექტროდანადგარი იყოს დამიწებული და გამოიყენოთ დენის დამცავი. ხსენებული პირობის დაუცელობის გამო ნივთის დაზიანების  შემთხვევაში კომპანიას საგარანტიო ვალდებულებები არ გააჩნია.

 

 

განცხადებები და გარანტიები

მომხმარებელი ადასტურებს, რომ:

არის საქართველოს კანონმდებლობის შესაბამისად დაფუძნებული იურიდიული პირი ან სრულწლოვანი ფიზიკური პირი.

გააჩნია სრული (შეუზღუდავი) ქმედუნარიანობა, არ იმყოფება ნარკოტიკული, ალკოჰოლური, ფსიქოტროპული ან ტოქსიკური პრეპარატების ზემოქმედების ქვეშ, არ იმყოფება შეცდომის, თაღლითობის, ზეწოლის, მუქარისა ან ნებისმიერი მართლსაწინააღმდეგო ზემოქმედების ქვეშ და არ წარმოადგენს ძალადობის, მუქარის, მოტყუების, შეცდომაში შეყვანისა თუ სხვა აკრძალული მოქმედების ობიექტს, სრულად აცნობიერებს საკუთარი ნების გამოვლენის შინაარსს, წინამდებარე პირობების დებულებათა არსს და მისგან გამომდინარე სამართლებრივ შედეგებს;

მომხმარებელს აქვს სრული უფლებამოსილება იმისათვის, რომ დაეთანხმოს  და შეასრულოს წინამდებარე პირობები და შეთანხმებით გათვალისწინებული ვალდებულებები;

გაეცნო წინამდებარე  პირობებს და ეს პირობები არის მისთვის მისაღები;

მის მიერ წარმოდგენილი ყველა მონაცემი არის ზუსტი;

მომხმარებელი არ არის ჩაბმული ან არ მონაწილეობს არცერთი იურისდიქციის კანონმდებლობით (რაც მოიცავს საქართველოს კანონმდებლობას და იმ ქვეყნის კანონმდებლობას, რომლის მოქალაქეც არის მომხმარებელი) გათვალისწინებულ რაიმე სახის უკანონო საქმიანობაში (მათ შორის, თაღლითობაში, ფულის გათეთრებაში, იარაღით ვაჭრობაში, ტერორიზმსა ან სხვა სახის უკანონო საქმიანობაში);

შეთანხმების მოქმედების მთელი პერიოდისათვის მისი საქმიანობა ან/და ქმედება შესაბამისობაში არის/იქნება ადგილობრივ ან/და საერთაშორისო კანონმდებლობასთან.

მისი ქმედება არ არის/იქნება მიმართული კომპანიის ან/და ნებისმიერი მესამე პირის მოტყუებისაკენ. აღნიშნული პრინციპის გათვალისწინებით ხელშეკრულების დასადებად ან მის საფუძველზე და შესასრულებლად, მის მიერ კომპანიისთვის წარდგენილი დოკუმენტი ან/და ინფორმაცია მისი წარმოდგენის მომენტისათვის ასევე არის/იქნება უტყუარი, ზუსტი და სრული;

იგი კეთილსინდისიერად, სრულად და ჯეროვნად შეასრულებს წინამდებარე დოკუმენტით ნაკისრ ვალდებულებებს;

მომხმარებელი დაუყოვნებლივ წერილობით აცნობებს კომპანიას ელ.ფოსტაზე ყველა იმ გარემოებ(ებ)ის შესახებ, რომელიც შეიძლება წინააღმდეგობაში მოვიდეს მის აღნიშნულ განცხადებებთან ან/და გამოიწვიოს აღნიშნული გარანტიების დარღვევა;

კომპანია ხელშეკრულებას დებს მომხმარებელთან წინამდებარე შეთანხმების დებულებათა გათვალისწინებით და თვლის მათ ხელშეკრულების პირობებად. შესაბამისად, ხელშეკრულების დადების შემდეგ წინამდებარე მუხლით გათვალისწინებული განცხადებების, გარანტიებისა და ვალდებულებების დარღვევა საკმარისი საფუძველია კომპანიის მიერ ხელშეკრულებით და პირობებით გათვალისწინებული ყველა ან ნებისმიერი მომსახურების გაწევაზე ცალმხრივი უარის სათქმელად.

 

 

 

 

 

დანართი #1

ხელშეკრულებაზე უარის თქმის შესახებ განაცხადი

კომპანიის რეკვიზიტები:

საფირმო სახელწოდება

ფაქტობრივი მისამართი 

ელექტრონული ფოსტის მისამართი

 შეკვეთის თარიღი;

შეკვეთის მიღების თარიღი;

 მომხმარებლის სახელი;

 მომხმარებლის მისამართი;

 მომხმარებლის ხელმოწერა (თუ ფორმა ქაღალდზეა შევსებული);

 ფორმის შევსების თარიღი.